Originally Posted by Aryan007

നമ്മള്* ആ പെണ്*കുട്ടിയെ കൊന്നുകളഞ്ഞിരിക്കുന്നു



സുഗതകുമാരി


ഇത്രയധികം ദാരുണവും ദയനീയവുമായ ഒരു സംഭവം ഈയിടെയൊന്നും ഉണ്ടായിട്ടില്ല. അങ്ങനെ പറഞ്ഞാല്* പോരല്ലോ; ലജ്ജാവഹം എന്നുകൂടി പറയേണ്ടേ. ഒറ്റയ്ക്ക് ട്രെയിനില്* യാത്രചെയ്തു എന്നതാണോ ആ കുട്ടി ചെയ്ത തെറ്റ്. ഇറങ്ങാനുള്ള സമയമായിരിക്കുന്നു. നാളെ പെണ്ണുകാണാന്* വരികയാണ്. കാത്തിരിക്കുന്ന ആ പെണ്*കുട്ടിയുടെ മനസ്സിന്റെ അവസ്ഥ, പെട്ടെന്ന് ആക്രമിക്കപ്പെട്ടപ്പോഴുള്ള ആ പരിഭ്രാന്തി... ഇതെല്ലാം നമുക്ക് ഊഹിച്ചുകൂടേ.

അവള്* എത്ര ഭയന്നുകാണും. എത്ര നിലവിളിച്ചുകാണും. അമ്മേ എന്നായിരിക്കും, അങ്ങനെയല്ലേ എല്ലാ കുട്ടികളും നിലവിളിക്കുക. ആരും കേട്ടില്ല. ആരും കേട്ടില്ലേ, അതോ കേട്ടവരും മിണ്ടാതെ, ശ്രദ്ധിക്കാതിരുന്നോ? ചങ്ങല വലിച്ച് നിര്*ത്താന്* ആര്*ക്കും സാധിച്ചില്ലേ. നിലവിളി കേട്ടപ്പോള്* ആരോ ചാടുന്നതുകണ്ടു എന്നൊക്കെ പറയുന്നു. അപ്പോള്* ചങ്ങല വലിച്ചൊന്നു നിര്*ത്തി എന്താണെന്നു നോക്കാന്* ആരും ഇല്ലായിരുന്നോ അവിടെ. ഇത്ര ക്രൂരവും ഇത്ര ഉദാസീനവും നിസ്സംഗവുമായിപ്പോയല്ലോ നമ്മുടെ സമൂഹം.

അപ്പോള്*, ആരെങ്കിലും കണ്ടിരുന്നെങ്കില്* വീണിടത്തുനിന്നും ആ കുട്ടിയെ എടുത്തു രക്ഷിച്ചുകൊണ്ടുപോകാന്* കഴിഞ്ഞിരുന്നെങ്കില്*, അവിടെനിന്നു വലിച്ചിഴച്ച് എവിടെയോ കൊണ്ടിട്ടാണല്ലോ അവളെ ഉപദ്രവിച്ചത്... എന്താണ് ഞാനിതിനെയൊക്കെ പറയേണ്ടത്. എന്ത് ഭാഷയാണ് ഉപയോഗിക്കേണ്ടത്. മനസ്സ് തകരുന്ന വേദന തോന്നുകയാണ്. ഒരുപാട് ഭയം തോന്നുന്നു നമ്മുടെ പെണ്*കുട്ടികളെക്കുറിച്ചോര്*ക്കുമ്പോള്*. ആയിരക്കണക്കിന് പെണ്*കുട്ടികള്*, സ്ത്രീകള്* യാത്രചെയ്യുന്നുണ്ട് ട്രെയിനില്*. അവര്*ക്കെന്തു സുരക്ഷിതത്വമാണുള്ളത്. ഈ റോഡില്* എന്ത് സുരക്ഷിതത്വമാണവര്*ക്കുള്ളത്.

ഈ വിധത്തില്* ക്രൂരന്മാരും ക്രിമിനലുകളും മദ്യപാനികളും ഇങ്ങനെ ഇഷ്ടംപോലെ നടക്കുന്ന ഈ നാട്ടില്* എന്തു സുരക്ഷിതത്വമാണ് നമ്മുടെ പെണ്*മക്കള്*ക്കുള്ളത്. ഞാന്* വനിതാകമ്മീഷനിലിരുന്നപ്പോള്* സ്ത്രീകളുടെ ട്രെയിനിലുള്ള സുരക്ഷിതത്വത്തെപ്പറ്റി വളരെ വളരെ ചര്*ച്ച നടത്തുകയും സ്ത്രീകളുടെ കമ്പാര്*ട്ടുമെന്റ് മധ്യഭാഗത്തേക്കു മാറ്റി സ്ഥാപിക്കണമെന്നും അതിന് പ്രത്യേക നിറം കൊടുക്കണമെന്നും അതില്* ഗാര്*ഡിനെ പ്രത്യേകം നിയമിക്കണമെന്നും പറഞ്ഞ് ശുപാര്*ശകള്* കൊടുക്കുകയും കേന്ദ്രഗവണ്*മെന്റിലേക്കൊക്കെ എഴുതുകയും ചെയ്തിരുന്നു. കുറച്ചുകാലത്തേക്കൊക്കെ നടപ്പാക്കുകയും ചെയ്തതായിട്ട് എനിക്കോര്*മയുണ്ട്. പിന്നീടതൊക്കെ മാറി. ഒരു ട്രെയിനിലുമില്ല ഇപ്പോള്* മധ്യഭാഗത്ത് ലേഡീസ് കമ്പാര്*ട്ടുമെന്റ്? -അറിഞ്ഞുകൂടാ.

റെയില്*വേ മധ്യഭാഗത്തേക്ക് സ്ഥാപിച്ച വനിതാ കമ്പാര്*ട്ടുമെന്റുകള്* പിന്നെ എങ്ങനെ മാറി? എന്തുകൊണ്ട് ഇത്ര അശ്രദ്ധയോടെ അവഗണിച്ചു? റെയില്*വേമന്ത്രി നിയമമൊക്കെ പാസാക്കിയതാണ്. പിന്നെ അതെവിടെപ്പോയി. ഒരു കാര്യം നടപ്പിലാക്കിക്കഴിഞ്ഞാല്* അത് പാലിക്കുന്നുണ്ടോ എന്ന് എപ്പോഴും നോക്കിനടക്കാന്* പറ്റില്ലല്ലോ. അത് ചെയ്യേണ്ടത് ആ ഉദ്യോഗസ്ഥരല്ലേ. നടക്കുന്നില്ലെങ്കില്* ഉത്തരവാദപ്പെട്ടവരുടെയും പൊതുജനങ്ങളുടെയും ശ്രദ്ധയില്* കൊണ്ടുവരേണ്ടത് അവരല്ലേ. റെയില്*വേയാണ് നടപടിയെടുക്കേണ്ടത്. യാചകനിരോധനമെന്നു പറഞ്ഞാല്* അത് നടക്കണം.

മറ്റു സംസ്ഥാനത്തും നടപ്പാക്കിയാലേ ഇങ്ങോട്ടവര്* വരാതിരിക്കൂ. തമിഴ്*നാട്ടിലടക്കം ഇത് കര്*ക്കശമായി നടപ്പാക്കണം. പാര്*ലമെന്റിലടക്കം ഉന്നയിക്കണം. ശക്തമായ നടപടി വേണം. റെയില്*വേ എന്തുചെയ്യുന്നെന്ന് നോക്കാം. റെയിവേക്ക് ശരിയായ ഒരനാസ്ഥയുണ്ട് ഇക്കാര്യത്തില്*. റെയില്*വേ സംരക്ഷണസേനയുണ്ടായിട്ട് എവിടെ അവരൊക്കെ? അവരെയൊക്കെ എവിടെ വിന്യസിച്ചിരിക്കുന്നു. നമുക്കറിഞ്ഞു കൂടാ. രാത്രി ട്രെയിനുകളില്* സ്ത്രീകള്* തനിച്ച് യാത്രചെയ്യുമ്പോള്* സംരക്ഷണമില്ല എന്നൊക്കെ പറയുന്നത് ഒരിക്കലും പൊറുക്കാനാവാത്ത വീഴ്ചകളാണ്.

റെയില്*വേ ഉദ്യോഗസ്ഥരാരും ആ പെണ്*കുട്ടിയെ ആസ്​പത്രിയില്*പ്പോലും തിരിഞ്ഞുനോക്കിയില്ലെന്നറിയുന്നു. കുറ്റബോധം കൊണ്ടായിരിക്കും. അവിടെ പോകാന്* അവര്*ക്ക് ധൈര്യമില്ലായിരിക്കും, അതുകൊണ്ടാണ്. എല്ലാ ട്രെയിനിലും മധ്യഭാഗത്തായിരിക്കണം സ്ത്രീകളുടെ കമ്പാര്*ട്ടുമെന്റ്. അതിന് പോലീസ് സംരക്ഷണവും പ്രത്യേകം ഏര്*പ്പാടാക്കണം. മാത്രമല്ല, ട്രെയിനില്* അലഞ്ഞുതിരിയുന്നവരെ കയറാന്* അനുവദിക്കരുത്. ഇതിനൊക്കെ നിയമങ്ങളുണ്ടല്ലോ. പലതും വില്പനയ്ക്കും ഭിക്ഷാടനത്തിനുമൊക്കെ കയറിവരുന്നവര്* ക്രിമിനലുകളാണോ എന്നൊന്നും അറിയാനൊക്കില്ലല്ലോ.

പ്രത്യേകിച്ച് സ്ത്രീകള്* തനിച്ച് യാത്രചെയ്യുന്ന കമ്പാര്*ട്ടുമെന്റുകളില്* വളരെ ശക്തമായ പോലീസ് സംരക്ഷണം ഉണ്ടാവണം. ഇതൊക്കെ നാലുദിവസത്തേക്ക് നിലനിന്നാല്* പോരാ. ഇപ്പോള്* ഒരു കുട്ടി അതിഭീകരമായി കൊലചെയ്യപ്പെട്ടു. ഇനിയിപ്പോള്* പെട്ടെന്ന് എന്തെങ്കിലുമൊന്ന് ചെയ്യും. കുറച്ചുദിവസം കഴിയുമ്പോള്* വീണ്ടും പഴയപടിയാകും. അപ്പോള്* ഈ നിയമങ്ങള്* ഉണ്ടായാല്*പ്പോരാ, അത് നടപ്പിലാക്കണം. നടപ്പിലായാല്* മാത്രംപോരാ, അത് നീണ്ടുനില്ക്കണം. ആറുമാസത്തേക്ക് ഇങ്ങനെ നടപടിയെന്തെങ്കിലും എടുത്തിട്ട് പിന്നെ, പതുക്കെപ്പതുക്കെ തണുക്കും; അതാണ് മലയാളിയുടെ പതിവ്.

ഈയൊരു പാവപ്പെട്ട പെണ്*കുട്ടിയുടെ, വിവാഹം സ്വപ്നം കണ്ട് അമ്മയുടെ അടുക്കലേക്കോടിപ്പോയ പെണ്*കുട്ടിയുടെ വിധി ഒരു കുഞ്ഞിനും ഇനി വരാതിരിക്കട്ടെ. ഒരാള്*ക്കും അത് വരാതിരിക്കട്ടെ. ഈശ്വരന്* അവള്*ക്ക് ശാന്തി നല്*കട്ടെ. കണ്ണീരില്* മുങ്ങിയ ആ അമ്മയെയും വീട്ടുകാരെയുമൊക്കെ ഞാന്* മനസ്സില്* കാണുകയാണ്. അവരുടെ മുന്നില്* ഒരു സമാധാനവും പറയാന്* സമൂഹത്തിനില്ല. കൊന്നുകളഞ്ഞു എന്നു മാത്രമാണ് നമുക്ക് ഏറ്റുപറയാനുള്ളത്. നമ്മുടെ അശ്രദ്ധകൊണ്ട്, അനാസ്ഥകൊണ്ട്, കൊള്ളരുതായ്മകൊണ്ട് ആ പെണ്*കുട്ടിയെ നമ്മള്* കൊന്നുകളഞ്ഞിരിക്കുന്നു. ഈശ്വരന്* പൊറുക്കട്ടെ.


ആര് തുടയ്ക്കും ആ അമ്മയുടെ കണ്ണീര്*?
സാറാ ജോസഫ്*
ജീവന്റെ നഷ്ടം ഏറ്റവുമധികം അനുഭവിക്കുന്നത് അമ്മയാണ്. സൗമ്യയെ ആസ്​പത്രിയില്* കാണാന്* പോയവരില്* ഞാനുമുണ്ട്. അനേകം പേരുണ്ട്. ഹൃദയമുള്ള എല്ലാവരും വേദനിക്കുന്നു. സാമ്പത്തിക സഹായം കൊണ്ടെന്തു കാര്യം? എന്തെല്ലാം സ്വപ്നങ്ങളുമായാവണം ആ കുട്ടി തീവണ്ടിയില്* നാട്ടിലേക്ക് പോന്നിരിക്കുക. അടുത്തദിവസം പെണ്ണുകാണാന്* ഒരാള്* വരുന്ന ദിവസമാണ് എല്ലാം പൊലിഞ്ഞത്. ആ അമ്മയുടെ കണ്ണീര് തുടയ്ക്കാന്* നമ്മുടെ കൈയില്* ഒന്നുമില്ല.



പക്ഷേ, ഇതാവര്*ത്തിക്കാതിരിക്കാന്*, പലതും ചെയ്യാം. ചെയ്യേണ്ടവര്* അതിന് മുതിര്*ന്നിരുന്നെങ്കില്* ഇത് സംഭവിക്കുകയില്ലായിരുന്നു. കുറ്റകൃത്യങ്ങളോടുള്ള അലസമനോഭാവം അധികാരികള്* തുടരുകയാണ്. നടപടിക്രമങ്ങളില്* നിരന്തരമായ കാലതാമസം. ഒടുവില്* എല്ലാം തേഞ്ഞുമാഞ്ഞുപോകുന്നു. അഭയ, വിതുര, ശാരി.... പ്രതികള്* രക്ഷപ്പെടാന്*വേണ്ടി നടത്തുന്ന വൃത്തികെട്ട കളികള്* നാം കാണുന്നു. ഏറെ വിശ്വാസം പുലര്*ത്തിയിരുന്ന ജുഡീഷ്യറിയുടെ സ്ഥിതിയും മോശമാണ്. പുതിയ മാധ്യമരീതികള്* എല്ലാം അറിയാന്* ഇടയാക്കുന്നു. പക്ഷേ അരക്ഷിതാവസ്ഥയാണ് അതുകൊണ്ട് ഉണ്ടാകുന്നത്.ഈ സംഭവത്തില്* റെയില്*വേയുടെ പ്രതികരണം എത്ര തണുപ്പനാണ്?

സീസണ്*ടിക്കറ്റ് എടുത്ത് യാത്രചെയ്യുന്ന സ്ത്രീകള്* സ്വകാര്യതയ്ക്കും സുരക്ഷയ്ക്കുംവേണ്ടി ലേഡീസ് കമ്പാര്*ട്ടുമെന്റില്* യാത്രചെയ്യുന്നത് പതിവാണ്. പലപ്പോഴും പച്ചക്കറിയും മറ്റുമായി അവര്* തീവണ്ടിയില്* കയറി അതൊക്കെ കൂട്ടായി അരിഞ്ഞ് വൈകുന്നേരങ്ങളില്* വീടുകളിലേക്ക് പോകുന്നത് നാം കാണാറുണ്ട്. ജോലികഴിഞ്ഞ് സ്വസ്ഥമായ ഒരു യാത്രയാണ് ആഗ്രഹിക്കുന്നത്. എന്നാല്* ലഭിക്കുന്നതോ? ഏറ്റവും പിന്നില്* ആ ബോഗി ഘടിപ്പിക്കുന്നു. തൊട്ടടുത്ത ബോഗിയിലുള്ള ഗാര്*ഡ് ഇവിടെ നടക്കുന്നതൊന്നും ശ്രദ്ധിക്കുന്നില്ല. അത് സൗമ്യയുടെ കാര്യത്തിലും സംഭവിച്ചു.ഒന്നു ചങ്ങല വലിച്ച് ജീവന്* രക്ഷിക്കാന്*പോലും ശ്രമിക്കാത്തവിധം മനഃസാക്ഷി നഷ്ടപ്പെട്ടവരുമായിരിക്കുന്നു നമ്മള്*.

ആത്മാര്*ഥത പോട്ടെ, സഹയാത്രികയുടെ പ്രശ്*നം ഏറ്റെടുത്താല്* നമ്മള്* കുടുങ്ങുമെന്നാണ് ഭീതി. അതിനാല്* പിന്നാലെ പോയി തുലയാന്* ആരും തയ്യാറുമല്ല. എ.സി. ബോഗികളില്* മാത്രമേ സുരക്ഷിതത്വം ഉറപ്പുവരുത്താന്* കഴിയൂ എന്നും പാസഞ്ചര്*വണ്ടികളില്* അതിന് തയ്യാറല്ലെന്നുംറെയില്*വേ നിശ്ചയിക്കുന്നത് എന്തടിസ്ഥാനത്തിലാണ്? എങ്ങനെയും ജോലിചെയ്ത് സ്വന്തം കാലില്* നില്*ക്കാന്* കഴിയണമെന്ന് ചിന്തിക്കുന്നവരാണ് കേരളത്തിലെ പുതിയ തലമുറയിലെ പെണ്*കുട്ടികള്*. സെയില്*സ് ഗേള്*സ് ഒക്കെ രാത്രി എട്ടുമണിക്ക് ജോലിചെയ്ത് വീടുകളിലേക്ക് ബസ്സും തീവണ്ടിയുമൊക്കെ പിടിക്കാന്* ഓടുന്നത് നാം ദിവസവും കാണുന്നുണ്ട്. ഇവര്*ക്കൊന്നും സുരക്ഷിതത്വം ഉറപ്പാക്കാന്* കഴിയുന്നില്ലെങ്കില്* അതിന്റെ അര്*ഥമെന്താണ്?

മദ്യവും മയക്കുമരുന്നും വയലന്*സ് നിറഞ്ഞ സിനിമയും ഒരുക്കുന്ന ചതിക്കുഴിയിലാണ് യുവത്വം. കൊടും കുറ്റവാളികള്*ക്ക് ഉടന്* ശിക്ഷ നല്*കാന്* വ്യവസ്ഥയുണ്ടാവുകയാണ് വേണ്ടത്. സ്ത്രീപീഡകരെ കൈയാമംവെച്ച് നടത്തിക്കുമെന്നു പറഞ്ഞ മുഖ്യമന്ത്രിയാണ് ഇവിടെയുള്ളത്. എന്താണ് സംഭവിച്ചുകൊണ്ടിരിക്കുന്നത്?




ഈ മരണം സ്വാര്*ഥതയുടെ കൂടി ഉത്പന്നം




ഖദീജ മുംതാസ്


ലേഡീസ് കമ്പാര്*ട്ടുമെന്റില്* തനിച്ചായിപ്പോയ പെണ്*കുട്ടി ജനറല്* കമ്പാര്*ട്ടുമെന്റിലേക്ക് ഓടിക്കയറുന്നത് ചിലര്* കണ്ടിരുന്നു. കമ്പാര്*ട്ടുമെന്റില്*നിന്ന് അക്രമി പെണ്*കുട്ടിയെ തള്ളിയിടുന്നതും അയാള്* കൂടെ ചാടുന്നതും കണ്ടവരുണ്ട്. കണ്ടുനിന്നവരില്* ഒരു യാത്രക്കാരന്* സഹയാത്രികരോട് ചോദിച്ചു. 'ചങ്ങല വലിക്കട്ടെ'. കൂടെ യാത്രചെയ്ത ആരോ പറഞ്ഞു. 'വേണ്ട, അവള്* ചത്തുപോവുകയൊന്നുമില്ല'. പക്ഷേ, അവള്* മരിച്ചു. മൃഗീയമായി ബലാത്സംഗം ചെയ്യപ്പെട്ടശേഷം.

ആ മരണം മലയാളിയുടെ സ്വാര്*ഥതയുടെകൂടി ഉത്പന്നമാണ്. തീവണ്ടിയിലെ സംഭവങ്ങള്* അന്ന് യാത്രചെയ്ത ഒരാളില്*നിന്ന് കേട്ടറിഞ്ഞതാണ് ഞാന്*. സഹയാത്രികര്* പറയുന്നതുകേട്ട് അപായച്ചങ്ങല വലിക്കാതിരുന്ന ആള്* വലിയ വിഷമത്തിലാണെന്ന് പറഞ്ഞുകേള്*ക്കുന്നു.

എന്നാല്*, തന്റെ യാത്ര ഒരിത്തിരിപ്പോലും വൈകരുതെന്ന സഹയാത്രികരുടെ സ്വാര്*ഥതയുടെ ഭാഗമാവുകയായിരുന്നു അയാളും.
പുരുഷലോകത്തിന് മുഴുവന്* അപമാനമാണ് ഈ സംഭവം. ആഴ്ചയിലെ വെറും രണ്ടര മണിക്കൂര്* വീടിനുപുറത്ത് ഒറ്റയ്ക്ക് സഞ്ചരിക്കാന്* പാടില്ലെന്നുവന്നാല്* അതില്*ക്കൂടുതല്* അപമാനമെന്തുണ്ട് കേരളത്തിന്? ലേഡീസ് കമ്പാര്*ട്ടുമെന്റുകള്* എന്തിനാണ് എന്നു ചിന്തിക്കുന്നതില്* അര്*ഥമില്ല. ജോലിസ്ഥലത്തും അടുക്കളയിലും വിശ്രമമറിയാത്ത സ്ത്രീകള്* ഒന്നു വെറുതെയിരിക്കുന്ന ഇടമാണ് ഈ കമ്പാര്*ട്ടുമെന്റുകള്*.

അവള്* വായിക്കുന്നതും വിശേഷങ്ങള്* പങ്കുവെക്കുന്നതുമൊക്കെ പലപ്പോഴും ഈ യാത്രയ്ക്കിടയിലാണ്. വീട്ടിലെത്തിയാല്* ജോലി ലഘൂകരിക്കാന്* പച്ചക്കറി നുറുക്കി പാത്രത്തിലാക്കുന്ന ജോലിപോലും ഈ ഇത്തിരി വിശ്രമസമയത്തില്* ചെയ്യുന്നവരുണ്ട്.
ഈ കമ്പാര്*ട്ടുമെന്റുകളെ സുരക്ഷിതമാക്കുകയാണ് ചെയ്യേണ്ടത്. ഗാര്*ഡിന്റെ ശ്രദ്ധ കിട്ടുമെന്ന പേരില്* അവ ട്രെയിനിന്റെ ഏറ്റവും പിറകിലാക്കരുത്. വല്ല കുറ്റിക്കാട്ടിലുമാണ് ഈ കമ്പാര്*ട്ടുമെന്റുകള്* വരിക. വണ്ടിയുടെ നടുവിലായിവേണം ലേഡീസ് കമ്പാര്*ട്ടുമെന്റിന്റെ സ്ഥാനം. കുടുംബം നോക്കാന്*വേണ്ടി ജോലിചെയ്യുന്ന, അമ്പത് രൂപയിലധികം ബാഗില്* സൂക്ഷിക്കാനില്ലാത്ത പെണ്*കുട്ടികള്*ക്ക് സുരക്ഷിതരാകാന്* വേറെ വഴിയില്ല.

Mathrubhumi Special News ??????? ? ????????????? ??????????????????????

Originally Posted by Aryan007

സൗമ്യയുടെ കുടുംബത്തെ ദത്തെടുക്കണം


Posted On: Sun, 06 Feb 2011 21:57:59




തീവണ്ടി യാത്രയ്ക്കിടെ മാനഭംഗത്തിന്* ഇരയായ യുവതി മരിച്ച വാര്*ത്ത കരള്* പിളരുന്ന വേദനയോടെയേ ആര്*ക്കും കേള്*ക്കാനായുള്ളൂ. ഷൊര്*ണൂര്* മഞ്ഞക്കാട്* സ്വദേശിനി സൗമ്യ (23)യാണ്* മരിച്ചത്*. തൃശൂര്* മെഡിക്കല്* കോളേജ്* ആശുപത്രിയില്* ഇന്നലെ ഉച്ചയോടെയാണ്* മരണം സംഭവിച്ചത്*. ഗുരുതരമായി പരിക്കേറ്റ സൗമ്യയുടെ തലച്ചോറിന്റെ പ്രവര്*ത്തനം രാവിലെ പൂര്*ണമായും നിലച്ചിരുന്നു. നാലുദിവസം വേദനപോലും അറിയാതെ അബോധാവസ്ഥയില്* കിടന്നാണ്* സൗമ്യ മരണത്തിന്* കീഴടങ്ങിയത്*.

കൊച്ചി ഷൊര്*ണൂര്* പാസഞ്ചറിന്റെ വനിതാ കമ്പാര്*ട്ട്മെന്റില്* സഞ്ചരിക്കവെ ചൊവ്വാഴ്ചയാണ്* ചെറുതുരുത്തിയില്* വച്ച്* യുവതി ആക്രമണത്തിന്* ഇരയായത്*. ഷൊര്*ണൂരില്* അവസാന സ്റ്റോപ്പ്* ആയതിനാല്* കാമ്പാര്*ട്ടുമെന്റില്* മറ്റാരും ഉണ്ടായിരുന്നില്ല. ജനറല്* കമ്പാര്*ട്ട്മെന്റില്* ഉണ്ടായിരുന്ന യാചകനെന്ന്* തോന്നിക്കുന്ന ആള്* ഈ സമയത്ത്* വനിതാ കമ്പാര്*ട്ട്മെന്റില്* കയറി യുവതിയെ ഉപദ്രവിക്കാന്* ശ്രമിച്ചു. ജനറല്* കമ്പാര്*ട്ട്മെന്റിലെ ചിലര്* നിലവിളി കേട്ടതായി അറിയിച്ചെങ്കിലും ആരും തിരിഞ്ഞു നോക്കിയില്ല. അല്*പം മനസാക്ഷിയോടെ പെരുമാറാന്* യാത്രക്കാരും റെയില്*വേ അധികൃതരും ശ്രമിച്ചിരുന്നെങ്കില്* നാടിനെ നടുക്കിയ ഈ ദുരന്തം ഒഴിവാക്കാമായിരുന്നു.

പതുക്കെ പോവുകയായിരുന്ന ട്രെയിനില്* നിന്നും യുവതിയെ പുറത്തേയ്ക്ക്* തള്ളിയിട്ട്*, ഒപ്പം ചാടിയിറങ്ങി. രണ്ടു ട്രാക്കിനപ്പുറത്തേയ്ക്ക്* യുവതിയെ വലിച്ചിഴച്ചുകൊണ്ടുപോയി മാനഭംഗപ്പെടുത്തിയ സംഭവം ആരെയും നടുക്കുന്നതാണ്*. രണ്ടുപേര്* പുറത്തേയ്ക്ക്* വീണതായി ഗാര്*ഡ്* അറിയിച്ചതിനെ ത്തുടര്*ന്ന്* സ്റ്റേഷന്* അധികൃതരും നാട്ടുകാരും ചെറുതുരുത്തി പോലീസും തിരഞ്ഞെങ്കിലും ഉടനെ ആരെയും കണ്ടെത്താനായില്ല. പത്തരയോടെയാണ്* കുറച്ച്* ദൂരെ വിവസ്ത്രയും അവശയുമായ യുവതിയെ കണ്ടെത്തിയത്*. ആശുപത്രിയിലേക്കെത്തിക്കുന്നതിനിടയില്* അല്*പ നിമിഷത്തെ ബോധത്തിനിടയിലാണ്* അക്രമി ഒറ്റക്കയ്യനാണെന്ന്* സൗമ്യക്ക്* പറയാനായത്*.

ഒറ്റക്കയ്യന്* ചാര്*ളി എന്ന ഗോവിന്ദസ്വാമി പിറ്റേദിവസം തന്നെ പിടിയിലായെങ്കിലും ആദ്യം കുറ്റം സമ്മതിച്ചില്ല. പക്ഷേ ഇയാള്* തന്നെയാണ്* ക്രൂരകൃത്യം ചെയ്തതെന്ന്* എല്ലാ വിദഗ്ധ പരിശോധനയിലും വ്യക്തമായതായാണ്* പോലീസ്* പറയുന്നത്*. മനുഷ്യകുലത്തിനാകെ തീരാകളങ്കമുണ്ടാക്കിയ പ്രതിയെ മൃഗമെന്ന്* വിളിക്കാന്* പോലും കഴിയില്ല. മൃഗങ്ങള്* പോലും ചെയ്യാത്ത നിഷ്ഠുരമായ കൃത്യമാണ്* ഇയാള്* ചെയ്തിട്ടുള്ളത്*. ഏത്* കുറ്റകൃത്യവും ചെയ്യാനുള്ള മാനസികാവസ്ഥയുള്ള ഇയാള്* മുംബൈ അധോലോകത്തിലെ കണ്ണിയായിരുന്നുവെന്നാണ്* പുറത്തു വരുന്ന വാര്*ത്ത. ഒറ്റക്കയ്യനായിത്തീര്*ന്നത്* തന്നെ ഏറ്റുമുട്ടലിലാണെന്നാണറിയുന്നത്*.

കൈ നഷ്ടപ്പെട്ട ശേഷമാണ്* പ്രവര്*ത്തനരംഗം സ്വന്തം നാട്ടിലും കേരളത്തിലുമാക്കിയത്*. അയ്യോപാവം എന്ന മട്ടില്* തീവണ്ടികളില്* ചില്ലറ വ്യാപാരവും തരംകിട്ടിയാല്* മോഷണവും പതിവാക്കിയ ചാര്*ളി കയ്യൂക്ക്* കാട്ടുന്നതും പതിവാണ്*. സൗമ്യയുടെ നേരെ ഉണ്ടായതും അതാണ്*. പിടിച്ചുപറിക്കുള്ള ബലപ്രയോഗത്തിന്റെ ഭാഗമായി യുവിയെ ട്രെയിനില്*നിന്നും തള്ളിയിട്ടശേഷം ഒരുമിച്ചു ചാടിയശേഷം ചെയ്തുകൂട്ടിയ പൈശാചികത്ത്വം വിവരിക്കാന്* പോലും സാധിക്കുന്നതല്ല.

ട്രെയിനിനുള്ളില്* മോഷണവും പിടിച്ചുപറിയും മിക്കടിവസങ്ങളിലും നടക്കുന്നുണ്ട്*. പ്രത്യേകിച്ചും വനിതാ കമ്പാര്*ട്ട്മെന്റില്*. ഇതിന്റെ ഘടനയാണ്* അക്രമങ്ങള്*ക്ക്* സാഹചര്യം നല്*കുന്നത്*. ഒന്നുകില്* ഏറ്റവും മുന്നില്* അല്ലെങ്കില്* പിന്നില്* ഒറ്റപ്പെട്ട നിലയിലാണ്* ഈ കംപാര്*ട്ട്മെന്റ്* ഘടിപ്പിക്കുന്നത്*. പ്ലാറ്റ്ഫോമിന്* പുറത്ത്* നില്*ക്കുന്ന കമ്പാര്*ട്ട്മെന്റില്* കയാറാനും ഇറങ്ങാനും പ്രയാസമാണെന്ന്* മാത്രമല്ല കുടിക്കാന്* വെള്ളമോ ഭഷണമോ പലപ്പോഴും കിട്ടാറില്ല. വനിതാ കമ്പാര്*ട്ടുമെന്റ്* വണ്ടിയുടെ മധ്യഭാഗത്താകണമെന്ന അഭ്യര്*ത്ഥന കേള്*ക്കാനൊന്നും അധികാരികള്*ക്ക്* കാതുണ്ടായില്ല. അതുപോകട്ടെ കാവലിനൊരാളെങ്കിലും ഉണ്ടായിരുന്നെങ്കില്* ഇതുപോലെ സംഭവം ഉണ്ടാകുമായിരുന്നില്ല. സംഭവിക്കാന്* പാടില്ലാത്തത്* സംഭവിച്ചാല്* പോലും ശ്രദ്ധ പതിപ്പിക്കാത്ത അന്ധ, ബധിര, മൂക സത്വങ്ങളാണ്* നമ്മുടെ സര്*ക്കാരുകളെന്ന്* പറയേണ്ടിയിരിക്കുന്നു. സര്*ക്കാരുകളുടെ അനാസ്ഥയും പൊതുസമൂഹത്തിന്റെ നിസംഗതയുമാണ്* സൗമ്യയ്ക്ക്* ഈ ദുര്*ഗതി വരുത്തിയത്*.

പഠിക്കാന്* മിടുക്കിയായ സൗമ്യ പരമദരിദ്ര കുടുംബത്തിലെ അംഗമാണ്*. അച്ഛന്* പണ്ടേ വീടുവിട്ടിറങ്ങി. അമ്മയും അനിയനുമടങ്ങിയ കുടുംബത്തിന്റെ ഏക ആശ്രയം സൗമ്യക്ക്* സ്വകാര്യ സ്ഥാപനത്തിലെ ജോലിയിലുള്ള വരുമാനമാണ്*. തന്നെ പെണ്ണുകാണാന്* നാളെ ഒരു ചെറുക്കനെത്തുമെന്ന വിവരത്തെത്തുടര്*ന്ന്* നിറഞ്ഞ ആഹ്ലാദത്തോടെ ചൊവ്വാഴ്ചത്തെ ജോലിയും തീര്*ത്താണ്* സൗമ്യ വണ്ടികയറിയത്*. മകളെ സ്വീകരിക്കാന്* റെയില്*വേ സ്റ്റേഷനില്* അമ്മയടക്കം ബന്ധുക്കള്* സ്റ്റേഷനില്* എത്തിയിരുന്നു. വണ്ടി എത്തുന്നതിന്* അഞ്ചു മിനിട്ട്* മുമ്പാണ്* എല്ലാ മോഹങ്ങള്*ക്കും മീതെ കൊടുംപാതകം സംഭവിച്ചത്*. ഒന്ന്* ഉറക്കെ കരയാന്* പോലും ശേഷിയില്ലാത്തവരായി തീര്*ന്നിരിക്കുന്നു കുടുംബം. പണിയോ പ്രായമോ ആകാത്ത അനിയനും അയല്*ക്കാരുമൊക്ക വല്ലാത്തൊരു മാനസികാവസ്ഥയിലാണ്*. തല ചായ്ക്കാന്* വീടുപോലുമില്ലാത്ത ഈ കുടുംബത്തെ സഹായിക്കാനുള്ള ബാധ്യത സര്*ക്കാരിനും റെയില്*വേയ്ക്കുമുണ്ട്*. അതിനായി സൗമ്യയുടെ കുടുംബത്തെ ഏറ്റെടുക്കാന്* തയ്യാറായാലേ പ്രായശ്ചിത്തമാകൂ.

detailed-story Janmabhumi Online

Originally Posted by Ali Imran

Originally Posted by Jaggu

Ivaneyokke indian shiksha niyamam onnum cheyyillalo ennu aalochikumbol aanu sankadam..
Kasabinte okke case kandille...