PDA

View Full Version : അവനും അവളും



varghese valavil
30th June 2013, 10:20 PM
നേരം വെളുക്കുമ്പോൾ
അവൾ സ്വന്തം കിടക്കയിൽ
പതുപതുത്ത പാവക്കുട്ടിയെ
കെട്ടിപ്പിടിച്ചു കിടക്കുകയും
അവൻ തന്റെ പായയിൽ നിന്നും
ചോര കുടിച്ചു മത്തായ മൂട്ടകളെ
പൊട്ടിച്ചു കൊല്ലുകയും
ചെയ്യുകയായിരുന്നു

നേരം വെളുത്തപ്പോൾ
പഞ്ചാരഡപ്പിയിൽ നിന്നും
കട്ടനിലേക്ക് ചാടി ആത്മഹത്യ ചെയ്ത
ഉറുമ്പിൻകുടുംബത്തെ
അവൻ പെറുക്കിയെടുക്കുകയും
ഡയറ്റിങ്ങിന്റെ ഭാഗമായി
അവൾ പാലും കോണ്*ഫ്ലേക്സും
കഴിക്കുകയുമായിരുന്നു

അല്പം കഴിഞ്ഞപ്പോൾ
അന്നയെയും റസൂലിനെയും കണ്ട്
അവൻ കണ്ണീരണിയുകയും
സൂപ്പർമാന്റെ വരവ് കണ്ട് അവൾ
കയ്യടിക്കുകയും ചെയ്യുകയായിരുന്നു

ഉച്ച തിരിഞ്ഞപ്പോൾ
അവൾ ട്രോപ്പിക്കാനയുടെ പുത്തൻരുചി
മൊത്തിമൊത്തി നുണയുകയും
അവൻ ഓൾഡ്*മോങ്ക് റമ്മിന്റെ
അവസാനത്തെ പെഗ്ഗ്
വെള്ളം ചേർക്കാതെ കഴിച്ച്
നെഞ്ചുതടവി കിടക്കുകയുമായിരുന്നു

സന്ധ്യ മയങ്ങുമ്പോൾ
അവൻ തന്റെ അവസാനത്തെ സ്റ്റാറ്റസ്
അപ്ഡേറ്റ് ചെയ്യുകയും
അവൾ കമന്റുകൾക്കും ലൈക്കുകൾക്കും
നന്ദി പറയുകയുമായിരുന്നു

പാതിരാനേരം
അവന്റെ അസ്ഥികൾക്ക് മുകളിലൂടെ
മറ്റൊരു രാത്രിവണ്ടി കടന്നുപോവുകയും
ഭർത്താവിന്റെ അരികിലേക്ക് പറക്കാൻ
അവൾ ബോർഡിംഗ് പാസ്സിനായി
ഊഴംകാത്തു നിൽക്കുകയുമായിരുന്നു

പാവം അവന്റെ സ്നേഹം
അവളറിഞ്ഞില്ല
പാവം അവളുടെ സ്നേഹമില്ലായ്മ
അവനുമറിഞ്ഞില്ല

Fontu
30th June 2013, 11:38 PM
Thanks Valavil macha...oru paadu ishtapettu...

~Saji~
1st July 2013, 12:56 PM
Kollaam....

nidhikutty
1st July 2013, 01:13 PM
nala rasamund

Irshad
8th November 2013, 06:58 PM
Nice One..

Palakkaadan
2nd April 2014, 11:19 PM
Good one dear oru Bhaviyundu